«Заңсыз иемденілген активтерді мемлекетке қайтару туралы» ҚР Заңға сәйкес 2023 жылғы 9 қазанда ҚР Қаржы министрлігінде Арнаулы мемлекеттік қор деп аталатын ақша шоты ашылған болатын.
Арнаулы мемлекеттік қор түсімдерінің жалпы сомасы қазан айына 177,5 млрд. теңге.
Оның ішінде 171 млрд. теңге – заңға сәйкес мемлекет меншігіне қайтарылған ақшалай қаражат, 6,5 млрд. теңге – Қайтарылған активтерді басқару компаниясынан түсетін түсімдер (активтерді сату мен басқарудан).
Арнаулы мемлекеттік қордың қаражаты әлеуметтік және экономикалық жобаларды қаржыландыруға жұмсалатын болады.
Бұл жөнінде Қазақстан Республикасы Қаржы министрлігі өз ресми сайтында хабарлады.