Түркістан қаласындағы «Достық үйінде» Түркістан облысы Дін істері басқармасының ұйымдастыруымен «Рухани құндылық – ұлт қуаты» тақырыбында семинар-тренинг өтті.
Дін өкілдерінің басын қосқан шараның мақсаты – ұлттық руханияттың қоғамдағы орны мен маңызын айқындау, жастар арасында діни сауаттылықты арттыру, сондай-ақ дәстүрлі құндылықтарды насихаттау.
Іс-шара модераторы Түркістан облысы Дін істері басқармасының басшысы Рүстем Сабыржанұлы болды. Шарада «Ислам және қазақ құқығы орталығының» басшысы, дінтанушы-ғалым Асқар Кәлімжанұлы, Павлодар облысының дін істері басқармасы «Конфессияаралық қарым-қатынастарды талдау және дамыту орталығы» ЖШС-ң директоры, психолог Гүлназ Мақсұтқызы баяндама жасады.
Семинар соңында қатысушылар пікір алмасып, өздерін толғандырған сұрақтарға жауап алды.