Алматыда «Plastic Reboot» акциясы басталды: пластикалық бөтелке өткізіп, ақша тап!

Алматыда «Таза Қазақстан» жалпы республикалық бағдарламасы және «Алматы – біздің ортақ үйіміз» қалалық науқаны аясында ұйымдастырылған «Plastic Reboot» экологиялық акциясы өтіп жатыр.

Акцияның мақсаты – тұрғындардың назарын пластикалық қалдық мәселесіне аударып, оларды қайта өңдеуге қатысуға ынталандыру. Халық қолданылған пластикалық бөтелкелер мен қаптамаларды тапсырғаны үшін ақшалай сыйақы алады. Бұл акция аясында тұрғындарға ыңғайлы болу үшін Эко-хаб, Оқушылар сарайы, Оқушыларының инновациялық шығармашылық орталықтары мен комьюнити-орталықтарында қабылдау пункттері жұмыс істейді.

Акцияға қатысу үшін 18-24 қазан аралығында тұрғындар пластикалық бөтелкелерді жинап, қабылдау пункттеріне тапсыруы керек. Қабылдау пункттерінің қызметкерлері тапсырылған пластик қалдықтарды тексеріп, олардың талаптарға сәйкестігін анықтайды. Одан кейін қатысушының телефоны мен тапсырылған бөтелке саны арнайы базаға енгізіледі.

Қайта өңдеуге жататын пластик қабылданады-сусындардан жасалған пластикалық бөтелкелер, сусабындар мен гельдерден, тұрмыстық химиядан орау, кейбір өндірушілердің Тамақ өнімдерінен орау (Амиран, Гормолзавод), бір реттік таңбаланған ыдыс 5.

Қайта өңдеуге жарамды пластик түрлері: сусын бөтелкелері, сусабын, гельдер, тұрмыстық химия қаптамалары, кейбір азық-түлік өндірушілерінің қаптамалары (Амиран, Гормолзавод), және 5-маркіленген бір реттік ыдыстар.

Бір реттік таңбалау ыдысы 6, таңбаланбаған пластик, компьютерлік және тұрмыстық техникалар, көліктің пластикалық бөлшектері және тізімге кірмейтін басқа да пластиктер қабылданбайды. Сонымен қатар, тапсырылатын бөтелкелердің таза, сұйық немесе тамақ қалдықтарынан тазартылған болуы маңызды.

Әрбір тапсырылған пластикалық бөтелке үшін 5 теңге сыйақы беріледі. Ақша қатысушының ұялы телефонының балансына аударылады.

Бұған қоса, Мектеп, колледж, университет оқушылары мен балабақша тәрбиеленушілері «Мейірімді қақпақ» бағдарламасына қатыса алады. Пластикалық бөтелкелердің қақпағын комьюнити-орталықтарға тапсыруға болады. Әр айдың соңында белсенді оқушылар Эко-хабта қақпақтарды өңдеп, өз қолымен кәдесый жасау мүмкіндігіне ие болады. Жыл соңында қайта өңделген пластиктен жасалған жаңажылдық шырша орнатылады. Бұл шырша қаланы әсемдеп қана қоймай, қайта өңдеу арқылы экологиялық таза орта қалыптастырудың жарқын үлгісі болмақ.

Пластик – әлемдегі ең өзекті экологиялық мәселенің бірі. Оның өте баяу ыдырайды, экожүйеге зиян келтіреді және топырақ пен су қоймаларын ластайды. «Plastic Reboot» секілді акциялар әлемнің көптеген елінде халықты қоқысты сұрыптап, пластикті пайдалануды азайтуға ынталандыруда оң нәтиже көрсетіп отыр. Акция арқылы тұрғындар демалыс орындары мен саябақтарды, жағажайларды, қала маңындағы аумақтарды тазалап, ҚТҚ қалдықты өңдеудің экологиялық және экономикалық пайдасы тақырыбында танымдық іс-шаралар өткізеді.

«Plastic Reboot» акциясы тұрғындарды пластик қалдықтарды қайта өңдеуге тапсыруға ынталандырумен қатар, қаладағы экологиялық ахуалды жақсарту мақсатында ластану деңгейін төмендетуге, тұрғындардың жауапты тұтыну әдетін қалыптастыруға бағытталған.

«Plastic Reboot» акциясына қатысуғ мен қабылданатын пластик түрлері туралы ақпаратты мына байланыс нөмірлері арқылы алуға болады: +7 747 779 8010 (Хамза), +7 707 358 9992 (Назгүл).

 

18-24 қазан аралығында пластик қабылдау пункттерінің мекенжайлары:

         

Алатау ауданы:

1. Нұркент шағын ауданы, 14а (Оқушылардың инновациялық шығармашылық орталығы)
2. Саин көшесі-Мөңке би көшесі, «Алатау» саябағы (Мобильді пункт);
3. Солтүстік айналма, 122 «Үшқоңыр» базары (Мобильді пункт);

Алмалы ауданы:

1. Байтұрсынов көшесі, 22/1 – (Жастардың комьюнити орталығы);
2. Желтоқсан көшесі, 29 — (Белсенді ұзақ өмір сүру орталығы);

Әуезов ауданы:

1. Мамыр-1 шағын ауданы, 26/1, 2 блок (Жастардың комьюнити орталығы);
2. Өтеген батыр көшесі, 98 (бұрынғы АХАТ ғимараты);

Бостандық ауданы:

1. Абай даңғылы 164/6, «Терракотта» ТҮК (Жастардың комьюнити орталығы);
2. Б. Шүкенов көшесі, 66а (Белсенді ұзақ өмір сүру орталығы);

Жетісу ауданы:

1. Боткин көшесі, 20 (Жастардың комьюнити орталығы);
2. Серіков көшесі, 6 (Жастардың комьюнити орталығы);

Медеу ауданы:

1. Достық даңғылы, 124 (Оқушылар сарайы)
2. Назарбаев даңғылы, 36 (Жастардың комьюнити орталығы);

Наурызбай ауданы:

1. Шұғыла, 347/4 үй (Оқушылардың инновациялық шығармашылық орталығы)
2. Райымбек даңғылы №7 МКБ алдында (Мобильді пункт);

Түрксіб ауданы:

1. Р. Зорге көшесі, 2 («Тең қоғам» әлеуметтік жобасы);
2. Жас Қанат шағын ауданы 49А (Жастардың комьюнити орталығы).

Дереккөз: Алматы қаласының әкімдігі