2025 жылы Арал теңізінің құрғаған ұлтанында экожүйені қалпына келтіру бойынша ауқымды жоба қолға алынды. Бұл жұмыстар «Таза Қазақстан» экологиялық акциясы аясында жүргізілуде, оның мақсаты – қоршаған орта жағдайын жақсарту және аймақтардың тұрақты дамуын қамтамасыз ету.
Жобаға сәйкес, КАТКО, француз мемлекеттік компаниясы «Orano Mining SA» мен «Қазатомөнеркәсіп» ҰАК» акционерлік қоғамының бірлескен кәсіпорны және басқа да ұлттық және жеке компаниялар орман отырғызу жұмыстарын ұйымдастыруға белсенді қатысуда. Жобаның негізгі мақсаты – жерлердің одан әрі деградациясының алдын алу, экологиялық жағдайды жақсарту.
Бүгінгі күнге нәтижелер:
- 522 тонна тұқым жинақталды.
- 2024 жылғы 16-30 желтоқсан аралығында 12 000 гектарға егін егілді.
- 2025 жылғы қаңтар мен ақпан айларында 108 000 гектарға егін егу жоспарлануда.
- 2025 жылғы наурызда 16 492 гектарға сексеуіл тұқымдас ағаштар отырғызу жоспарланған.
Бұл жоба Арал экологиялық апатынан кейінгі салдармен күресу жөніндегі мемлекеттік стратегияның бір бөлігі болып табылады. Қазақстан экологиялық жағдайды жақсарту мақсатында ішкі және халықаралық деңгейде белсенді жұмыс істеуде.
Акция ұйымдастырушылары азаматтарды осы бастаманы қолдап, Арал өңірін қалпына келтіруге өз үлестерін қосуға шақырады.
Дереккөз: ҚР Экология және табиғи ресурстар министрлігі