Шымкенттегі 60 мыңнан астам халқы бар Қайнарбұлақ тұрғын алабында газ құбырының құрылысы 2022 жылы басталған. Қала әкімі Ғабит Сыздықбеков халықты сапалы қызметпен қамтуда жауапты тұлғаларға газ құбырын пайдалануға беруді жеделдетуді тапсырды.
Айта кетейік, бүгінде абоненттердің 60% — көгілдір газға қол жеткізді, ал 40% — ы биыл қараша айының соңына дейін қосылады. Тұрғындар қазірден көгілдір отын тұтынуға өтініш бере алады.
Сонымен қатар, осы жылдың соңына дейін Ынтымақ-2, Тассай, Бозарық және Көктөбе шағын аудандарының тұрғындарын көгілдір отынмен қамтамасыз ету жоспарлануда.
Дереккөз: Шымкент қаласы әкімінің баспасөз қызметі