ЖаңалықтарҚоғам

Жұбайына дауыс беруге мәжбүрлеген мектеп директоры партиядан шығарылмақ

Жұбайына дауыс беруге мәжбүрлеген мектеп директоры партиядан шығарылмақ.

«Nur Otan» Партиялық бақылау комитеті әлеуметтік желіде тараған Түлкібас ауданының партия мүшелерін праймеризде белгілі бір үміткерлерге дауыс беруге мәжбүрлеу туралы ақпаратты тексерді деп хабарлайды Oinet.kz тілшісі.

Тексеру қорытындысы бойынша Түлкібас ауданына қарасты Састөбе кентіндегі мектептің директоры Гүлжан Әмірбекова білім ордасындағы ұстаздарын бірқатар үміткерлерге, оның ішінде жұбайына дауыс беруге мәжбүрлеп, «Nur Otan» партиясының Праймериз өткізу ережелерін өрескел бұзғандығы анықталды.

Партияның ресми сайтының хабарлауынша, Түлкібас аудандық филиалының Партиялық бақылау комиссиясы «Састөбе» БПҰ-ға (айта кетері, сайттағы ресми мәліметте Сартөбе деп қате жазылып кеткен. ред.)  Гүлжан Әмірбекованы «Nur Otan» партиясының  қатарынан шығаруды ұсынды. Сонымен қатар, партияішілік іріктеу өткізу жөніндегі облыстық Ұйымдастыру комитетінің шешімімен оның жұбайы Нұрлан Әмірбеков праймериз үміткерлері қатарынан шығарылды. Сондай-ақ, партияның Түлкібас аудандық филиалы төрағасының бірінші орынбасары Қуатбек Еркебаевқа қатысты партиялық тәртіптік жаза қолданылды.

«Nur Otan» партиясының баспасөз қызметі Елбасы, Партия Лидері Нұрсұлтан Назарбаевтың партияішілік сайлауда дауыс беруді ашық, әділ және айқын өтуін қамтамасыз ету қажеттігі туралы тапсырмасын орындау аясында Орталық аппарат жергілікті жерлерде осындай «бастамалардың» жолын кесетінін тағы да атап өтті.

Бұған дейін партиялық бақылау комитеті Ақмола облысында жаппай дауыс беруді ұйымдастыру әрекетін анықтаған болатын. Нәтижесінде Сандықтау аумақтық филиалы төрағасының бірінші орынбасары Л.А.Ловягинаға «ескерту» партиялық жазалау шарасы, «Білім» БПҰ төрағасы Ж.Ж.Қайырмденовке және «Білім» БПҰ төрағасының орынбасары Б.Ю.Барахоеваға сөгіс түріндегі партиялық жаза қолданылды. Бұл процесс ары қарай да жалғасу мүмкін. Сондықтан мұндай олқылықтардың алдын алу бойынша бақылау басталды.

Rastimes.kz

 

Ұқсас материалдар

Добавить комментарий

Ваш адрес email не будет опубликован.

Back to top button